ශ්රී ලංකාවේ පවුල් ව්යුහයන්හි වර්ධනය වන බිඳවැටීම පිළිබඳව සිය බරපතළ කනස්සල්ල පළ කරන කොළඹ අගරදගුරු මැල්කම් කාදිනල් රංජිත් හිමිපාණන් විවාහය ඛාදනය වීම සමාජයට බරපතල තර්ජනයක් එල්ල කරන බවට අනතුරු අඟවයි.
කළුතර ලූර්දු අප ස්වාමිදූගේ දේවස්ථානයේ වාර්ෂික මංගල්යයේදී බැතිමතුන් අමතමින් කාදිනල්තුමා පැවසුවේ, රට තුළ පවුල් ජීවිතයේ බිඳවැටීම “භයානක වසංගතයක් මෙන්” පැතිර යන බවයි.
පවුල සමාජයේ කුඩාම ඒකකය බව අවධාරණය කළ කාදිනල්තුමා පුළුල් ප්රජාවේ ශක්තිය නිවසේ ස්ථාවරත්වය මත රඳා පවතින බව සඳහන් කළේය.
“අපේ කාලයේ ඇති ලොකුම විනාශය පවුල් ජීවිතයේ ක්රමානුකූල බිඳවැටීමයි. අද ශ්රී ලංකාවේ මෙය භයානක වසංගතයක් මෙන් පැතිරී තිබෙනවා. බොහෝ තරුණ ජෝඩු හැඟීම්, පෙනුම, ආකර්ෂණය හෝ තාවකාලික සතුට නිසා පමණක් විවාහ වන අතර ඉක්මනින් එය අර්ථයකින් තොරව අතහැර දමනවා. විවාහ ජීවිතය බොහෝ දෙනෙකුට ක්රීඩාවක් බවට පත්ව ඇති අතර, කිසිදු සැබෑ අරමුණකින් තොරව ඔවුන් විවාහා ගිවිස ගන්නවා. විවාහය සමාජයේ අත්තිවාරමයි. සාර්ථක විවාහ සම්බන්ධතාවයක් ස්ථාවර හා සමෘද්ධිමත් පවුලකට මඟ පාදන බව අප සිහියේ තබා ගත යුතුයි. කතෝලික පල්ලියේ ඉගැන්වීම්වලට අනුව, සෞඛ්ය සම්පන්න සමාජයක් සඳහා පමණක් නොව, පල්ලිය අධ්යාත්මික වශයෙන් ජීවමාන ආයතනයක් ලෙස ක්රියාත්මක වීමට ශක්තිමත් සහ විශ්වාසවන්ත පවුල් ජීවිතයක් අත්යවශ්යයි” කොළඹ අගරදගුරු මැල්කම් කාදිනල් රංජිත් හිමිපාණන් වහන්සේ පැවසූහ.
