ත්රිකුණාමලය බුදු පිළිම සිදුවීම සම්බන්ධයෙන් රක්ෂිත බන්ධනාගාරගත කර සිටින පූජ්ය බලංගොඩ කස්සප හිමියන් සහ භික්ෂුන් වහන්සේලා සිව්නම ඇතුළු සැකකරුවන් පෙබරවාරී 09 වැනිදා දක්වා යළි රක්ෂිත බන්ධනාගාර ගත කිරීමට ත්රිකුණාමලය මහෙස්ත්රාත් අධිකරණය අද (02) නියෝග කළේය.
ත්රිකුණාමලය නගරයේ වෙරළ ආරක්ෂක කලාපය තුළ අනවසර කුටියක් ඉදිකර බුදු පිළිමයක් තැන්පත් කළේ යැයි වෙරළ සංරක්ෂණ හා වෙරළ සම්පත් කළමනාකරණ දෙපාර්තමේන්තුව විසින් සිදුකර තිබූ පැමිණිල්ලට අදාළව පවතින නඩුව අද (02) ත්රිකුණාමලය මහෙස්ත්රාත් අධිකරණය හමුවේ කැදවන ලද අවස්ථාවේ දී මහේස්ත්රාත්වරයා මෙම නියෝගය කළේය.
