2025 වසරේ ළමා විවාහ නවයක් සහ නව යොවුන් වියේ ගැබ්ගැනීම් 79ක් ඇතුළුව ළමුන් සම්බන්ධ පැමිණිලි 10,455ක් ලැබී ඇති බව ජාතික ළමා ආරක්ෂණ අධිකාරිය හෙළි කළේය.
මුළු පැමිණිලි වලින් 8514ක් ජාතික ළමා ආරක්ෂණ අධිකාරි පනත යටතේ ඇති අතර, 1941ක් එහි සෘජු වගකීමෙන් බැහැර ඒවා බව ද අධිකාරිය පැවසුවේය.
ලිංගික හිරිහැර සිද්ධීන් 545ක්, බරපතල ලිංගික අපයෝජන සිද්ධීන් 231ක්, ළමා දූෂණ සිද්ධීන් 38ක් සහ ගබ්සා කිරීම් තුනක් ද 2025 දී වාර්තා වී ඇති අතර බාලවයස්කරුවන් ඉලක්ක කරගත් සයිබර් අපයෝජන සිද්ධීන් 150ක් සහ දරුවන් අතර සියදිවි නසා ගැනීමට තැත් කිරීම් 20ක් ද වාර්තා වී ඇත.
උප්පැන්න සහතික නොමැති දරුවන් පිළිබඳ පැමිණිලි 42ක් සහ දෙමාපියන් විදේශගත වීම නිසා කුඩා දරුවන් අතහැර දැමූ අවස්ථා නවයක් ඇතුළත් අනෙකුත් ගැටලු පවතින බව අධිකාරිය පැවසුවේය.
මෙම සංඛ්යාලේඛන මගින් රට පුරා දරුවන් ආරක්ෂා කිරීමට සහ ඔවුන්ගේ අයිතිවාසිකම් ආරක්ෂා කිරීමට අඛණ්ඩ සුපරීක්ෂාකාරිත්වය, ශක්තිමත් මැදිහත්වීම් සහ සම්බන්ධීකරණ උත්සාහයන් සඳහා හදිසි අවශ්යතාවය ඉස්මතු කරන බව ජාති ළමා ආරක්ෂණ අධිකාරිය අවධාරණය කළේය.
