ශ්රී ලංකාව තුළ පවතින හදිසි ආපදා තත්ත්වයෙන් පීඩාවට පත් වූවන් සඳහා සහන සැලසීමේ කටයුතු සඳහා විදේශයන්හි පදිංචි ශ්රී ලාංකිකයින්ට සහ විදේශිකයන්ට දායක විය හැකි බව රජය කියයි.
නිවේදනයක් නිකුත් කරමින් ජනාධිපති මාධ්ය අංශය පැවසුවේ නම් කරන ලද බැංකු ගිණුම් විස්තර විදේශයන්හි පිහිටි ශ්රී ලංකා රාජ්ය තාන්ත්රික දූත මණ්ඩලවල සහ ශ්රී ලංකාවේ පිහිටි විදේශ දූත මණ්ඩලවල ඇති බවයි. පරිත්යාග සඳහා පහසුකම් සැලසීම සඳහා, දේශීය මුදල් සහ ඇමරිකානු ඩොලර් දෙකෙන්ම දායක මුදල් භාර ගැනීම සඳහා වෙනම ගිණුම් දෙකක් ස්ථාපිත කර ඇති බව ද එම නිවේදනය වැඩි දුරටත් සඳහන් කරයි.
